معنى كلمتي "العمق" و "الفلسفة" عند الحديث عن الانمي

الرئيسية المنتديات النقاش العام نقاش الأنمي العام معنى كلمتي "العمق" و "الفلسفة" عند الحديث عن الانمي

مشاهدة 6 مشاركات - 1 إلى 6 (من مجموع 6)
  • الكاتب
    المشاركات
  • #281

    من الكلمات يلي بتحيرني دائماً عند الحديث عن انمي او لما اقرأ مراجعات على السوشال ميديا، شخصياً ماعندي أيا تعريف شخصي لكلمة العمق واستخداماتها مختلفة لدرجة ما ممكن الاعتداد فيها او اعتبارها مصطلح فعلي، بينما كلمة الفلسفة الها تعريف فعلي واستخدامات فعلية وهية تصنيف حقيقي للانمي بس استخداماتها بتكون واسعة لدرجة بتخليها تستخدم لوصف انميات متل ياهاري (انميات بتتضمن حوارات بين الشخصيات ودراما مبنية على الشخصيات هي) وانميات مختلفة تماماً متل مادوكا ماجيكا (انمي بيتضمن ترميزات مباشرة وغير مباشرة وبيعتمد على هالشي ليوصل افكاره) – الفرق بين الانميين ضخم جداً بس الناس بتستخدم نفس الكلمة لوصفه.
    التعريف الرسمي للفلسفة بوكيبيديا

    هي دراسة الأسئلة العامة والأساسية عن الوجود والمعرفة والقيم والعقل والاستدلال واللغة. غالبًا ما تطرح مثل هذه الأسئلة كمسائل لدراستها أو حلها.

    بيخليها صفة لكل الانميات حرفياً، والاعتماد على هالتعريف ممكن يخلي انميات متل كوباياشي او نيو غيم او سورد ارت اونلاين ضمن التصنيف الفلسفي، كونه بيتضمن اسئلة عامة عن الوجود والمعرفة والقيم.

    الحل الشخصي لاستخدام كلمة الفلسفة بالنسبة الي بيعتمد على تغيير فهمها وتعريفها تماماً من الشي الاصلي لشي بيتعلق بطريقة كتابة النص، كون كل نص بيتضمن طريقتين لتوصيل افكاره؛ الأولى هي الطريقة المباشرة من خلال الحوارات والشخصيات ويلي بتتضمن القيمة يلي الكاتب بدو يوصلها بوضوح – بالنسبة الي هالجزء من النص لا يؤهله ليتحول لعمل فلسفي كونه لا يتطلب التفكر بالنص خارج حدود الشي يلي مقدمه الكاتب. الجزء التاني من طريقة توصيل الافكار بيعتمد على الافكار الخفية او الترميزات غير المباشرة يلي الكاتب ما بيعطي ايا تفسير الها ضمن سياق النص، ويلي بتحتمل اكتر من تفسير من اكتر من شخص، بالنسبة الي الانميات يلي بتضمن هالنوع من النصوص هي الانميات “الفلسفية”. وللدقة الاكبر، الانمي ممكن يكون “فلسفي” في حال كان التركيز على الرمزيات اكبر من النص الواضح والمباشر.

    بنفس الوقت تعريفي الشخصي فيه مشاكل وبيخلي انميات كتير تطلع من هالتصنيف – لهيك مانه مثالي، وهاد هوة سبب فتح هالنقاش.

    السؤال – شو تعريفك الشخصي لكلمة الفلسفة بالانمي، وهل كلمة العمق الها معنى عندك او لا؟

    #282
    Maher Rayes
    عضو

    بالنسبة لي الموضوع فعليا معقد شوية بس خليني بلش بشي واضح:

    كلمة عمق وكلمة فلسفة ما لازم يتم استخدامن كـ مدح أو معيار جودة لمنتج فني او ترفيهي معين، الكلمتين ممكن يعبرو عن تصنيف او طبيعة قصصيّة معيّنة بالعمل بس هالشي مالو صفة اجباريّة فيه وفي كتير أعمال بتستخدم البساطة كأسلوب بطريقة فعّالة أكتر من معظم الأعمال اللي عم تحاول تعطي انطباع عميق أو فلسفي عند المتابع. بتوقع هالنقطة واضحة لما الواحد يفكر فيها ولو شويّة.

    النقطة الأهم شلون بيتم استخدام هالكلمتين بالذات وعن شو بيعبرو:

    كلمة عمق مالها معنى حقيقي مشترك بين اللي بيقولوها، معظم النقاشات اللي بتدخل فيها هالكلمة كنقطة رئيسيّة بتكون نقاشات Semantics مالها معنى لانو ما متّفق عالكلمة اصلا.
    طيب ممكن نحاول نعرّفها. التعريف الحرفي للكلمة بمعجم انكليزي هو:

    The complexity of a Thought

    وهو الشيء اللي ما يساعد بأي شكل بهالنقاش. لأنه لح نرجع لسؤال هو المعنى بالزبط ووين الحد تبع التعقيد تبع الفكرة؟
    الشيء اللي ممكن اعتبره انا معقد ممكن يعتبره غيري غير معقد واستخدام المصطلح اصلا ما بيتم عالافكار صعبة الفهم انما نوعية ثانية من الافكار والقصص

    طيب لنأخذ بعين الاعتبار الاستخدامات الممكنة اللي لاحظتها لهالكلمة وأعطي أسباب ليش كلها نوعا ما غير مفيدة او غير صحيحة:

    “القصة بتكون عميقة لما تناقش قضية فلسفيّة معيّنة”

    كلمة فلسفي لسا ما فتنا فيها بس بقدر انقد هالنقطة بسهولة بحقيقة انه جميع الاعمال الفنية (تقريبا) بتناقش قضايا ممكن اعتبارها فلسفية (او رمزية حقيقيةً). حتى الاعمال المكروهة مثل Sword art online و naruto وغيره كلها تحمل أشياء ممكن تسمّيها Subtextual elements
    طيب هل نعتبر فقط التعامل الصحيح مع هالافكار هو درجة العمق؟
    الجواب حيكون لا لانه صرنا هنا بكلمة ثانية تصف هالحالة اكثر وهو انه “سيء” .. اذا عمل ما قدر يتعامل مع افكاره الرمزية بشكل صحيح فهو مبعثر وماله أرض قوية يقف عليها وبالتالي سيء. بس العمق م شرط اساسي للجودة مثل ما ناقشنا فوق فهنا نصل لتناقض.

    “القصة بتكون عميقة لما تكون صعبة الفهم”

    تكلمت عن هالموضوع فوق بس برجع بعيده. لو صعوبة الفهم مرتبطة بالعمق فأعمق الأعمال هي كتب العلوم والجغرافيا لانها تمتلك اغزر كميّة معلومات وتقدّمها بطريقة صعبة الفهم أحيانا.

    “القصة بتكون عميقة لما تدخل بنفس الشخصيّة وتناقشها”

    بس هالشي اله مصطلح خاص فيه واسمو “سايكولوجي” أو “نفسي”. واللي هو مصطلح أيضا بيتم استخدامه كـ مدح مع انه يعتبر تصنيف وليش معيار جودة.

    “العمق هو مناقشة فكرة معقّدة بطريقة ممتازة وذكيّة”

    منرجع لنفس المشكلة وهي ربط الكلمة بمعيار جودة غير صحيح وماله تعريف ثابت.

    فيه كثير نسخ ثانية لهالتعاريف بس منرجع لمشكلتنا: التعريف غير مشترك وكثيرين يفترضون ان تعريفهم للعمق الكل يستخدمه بحذافيره فنرجع بنقاشنا لمشاكل Semantics غبية وبعيدة عن صلب النقاش الأصلي.
    هالسبب بيخليني قول استخدام كلمة عمق غير مفيد وغير صحيح وهذا السبب الاساسي لليش ما استخدم هالكلمة ابدا بوصف شي عمل الا لو كانت زلة لسان.

    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    مشكلة كلمة فلسفي شوية مو سهل. أوّلاً اتفقنا ان الكلمة ما لازم يتم استخدامها بأي شكل كمدح. ممكن عمل فني يناقش قضايا فلسفية بس بشكل سيء.
    طيب السؤال هل ممكن استخدامها كتصنيف؟

    الجواب صعب بس يفضل الابتعاد عنها لو انت ما عم تحط تعريف واضح قبل كل مرة تستخدمها.

    “القصة الفلسفية هي قصة بتناقش قضايا من الفلسفة”
    ممكن تستخدم هالتعريف بس لح قلك انه كل الاعمال تقريبا لح تندرج تحته. كل القصص مبنية بشكل أو بآخر على Subtextual elements لصراع رمزي معيّن فيها وبتناقشه بشكل غير مباشر.
    موب سايكو على سبيل المثال بالرغم من بساطة قصته فهو فلسفي لو تنظر للطبقة اللي تحت الحوارات وكيف انه يناقش تحسين النفس وحتى ممكن تشيك على هالفيديو لتتاكد من الموضوع:

    https://www.youtube.com/watch?v=X6-trQYG2XA

    والموضوع بينطبق على الانميات اللي ممكن تعتبرها سيئة مثل سورد ارت اونلاين. دائما فيه صراع رمزي تحت الحوارات بيصير بغض النظر لو تطبيقه كويس او لا

    فالسؤال حاليا هو: شو فائدة استخدام هالكلمة لوصف تصنيف اذا كل شيء لح يندرج تحته اصلا؟
    ممكن تصنع تعريف مثل:
    “العمل الفلسفي هو العمل اللي يدخل النقاش المتعلق بالفلسفة في حواراته”
    ولح تقدر تصنّف فيت زيرو و سايكو باس مثلا تحت هالتعريف بس لح تجد اعمال تناقش هالامور بس مو بالحوارات وبالتالي ما تندرج تحت هالتعريف مثل مادوكا ماجيكا.

    فالموضوع محيّر صراحةً. شخصيّاً بفضّل حتّى ابتعد عن وصف عمل بال فلسفي بينما ممكن اقول “عمل يناقش قضايا فلسفيّة مهمّة مثل” واتكلم عن القضية نفسها. هالشي بيعطي صفة اوضح بكثير له وما بيحصره بكلمات استخدامها هش اصلا

    ـــــــــــــــــــــــــــــــــــــــــــــــــــــــــــــــــــــــــــــــ

    عم اخد الانمي بجدّية زيادة؟ كويس هي الفكرة من هالنقاش أصلا 🙂
    أعطونا آراءكم

    #286

    انمي فلسفي عميق هي صارت شغلة بيتسخدمها كتير من الأشخاص ل يمدح انمي خرج عن المتعارف عليه
    لدرجة ممكن تشوف هالحكي ع اكامي غا كيل
    رح اخدو مثال و احكي شوي
    اكامي فيو فلسفة؟
    فيو افكار مطروحة بس نقاشها بالانمي كان سيء جدا و موجودة بس لحتى ما يكون الانمي شونين بحت

    تقريباً اي نقاش بين شخصيات الأنمي بشكل جدي عن موضوع مثير للجدل
    هو عرض فلسفة الشخصيات و طريقة الكاتب باظهارها
    بس ابدا ما بالضرورة تكون جيدة بالعكس ممكن تكون زبالة و نقطة سيئة عالأنمي

    كلمة عمق بالأنمي استخدامها غلط بنسبة ٩٩.٩٪ لكتير متابعين
    تقريبا ما بفضل استخدم كلمة عميق بالأنمي
    هي الها معنى بس كل شخص عم يفهمو بالطريقة يلي بتنسابو
    او بالطريقة يلي هو اخد فكرة عنها

    بلا ذكر امثلة في كتير انميات قدرت توصل ل معنى/ العمق/ الصحيح
    بشكل تكون حوارات ظاهرية بباطنها حوارات داخلية ما بتظهر و لا ممكن الشخص يلاحظها بسهولة
    و ممكن الأنمي بالنهاية اما يكشف كلشي و يوضح كلشي انذكر بشكل مخفي او يترك الشغلة عالمتابع مع نهاية غريبة او مبهمة

    #287

    كلمة عمق بالنسبة الي اسهل طريقة لتهرب من نقاش او لتطلع من الزاوية يلي نحصرت فيها
    كلمة عمق حرفيا ما بتعبر عن شي
    العمق بالنسة الي ممكن يكون منطقة ضحلة عند غيري
    لهيك ما بستخدمها ابدا ابدا ابدا
    لهيك الموضوع ملغي تماما ومرفوض من ناحية العمق
    منجي للفلسفة
    هلا كلمة فلسفة برايي استخدامها بغالب الاحيان خاطئ
    ليش
    اولا الفلسفة كلمة كبيرة
    وانا ممكن استخدمها بانميات معينة
    يعني كمثال لما ندخل بنقاش انمي كاشان او مادوكا ماجيك ا
    هيك انميات تقيلة غنجد وبالفعل برمجت العمل كبو ليكون نقاش فلسفي ضمن احوال تحتاج الكلام والايحاءات الفلسفية بما تعنيه الكلمة من معنى
    ليش عايشين هل الموت نهاية هل التضحية واجبة الخخخخ
    لكن كمثال انمي ياهاري وما شابهه طلاب مدرسة بحياة يومية بنقاشات اكير من عمرهم متقول عليه فلسفي الحالة هون بحسخا مشوهة
    وبحس للطاتب زت افكار فلسفية ليزيد الزخم لعملو من دون ما يجهز ابدا سبب ليش الفلسفة عم تتناقش هون لوين بدك توصل
    شو المفروض اني اتعمق فيه اصلا
    بالنقيض مثلا شين سيكاي يوري الفلسفة متاصلة بالعمل
    القمع لحماية اامجتمع التضحية بكل شخص بيتخطى القوانين الخخخخخ
    وايضا كاشان بعالم مدمر عالم عم تدور على الابدية وعالم عمزتدور على ااموت البعض فقد الامل انو يعيش والاخر فقد الامل انو يموت
    هون بحترم كتير دخول الفلسفة وبحس اني مجبور اخد موقف وقرار
    بعيدا عن هالنقطة
    خصوصا الانميات المدرسية صعب جدا تحافظ على المسار الفلسفي بالقصة مثل انكي النخبة يلي قلب لانمي حركي لما راحو للجزيرة واهمل موضوع الفلسفة يلي بالاصل كان مزعج الي
    طبعا مو قاعدة
    انمي باني غيرل برايي ابدع وفينا نقزل عليهوانمي فلسفي لكن منرجع لنقطة انو الانمي بنى بنى تحتية لاستخدام الفلسفة وتطبيقها وكيف يجبرني فكر اني انا شو لحزاعمل هون شوفلسفتي الخاصة بالعمل
    والجميل اني وافقت السخصيات ببعض النقاط ومالفتها بقصص ثانية
    لهيك انا بفضل اني بعد عن ذكر الفلسفة بنقاشاتي الا ان حطيت شرح كامل للكلمة ضمن نقاشي

    #288

    اشوف بنظري انو “العمق” و “الفلسفة” شيئين مختلفين اساساً.

    قبل لا اشرح خليني اوضح الفرق بينهم “بنظري”:
    1- العمق “بالانمي” لما كل تفصيل بالعمل يكون مدروس ومحسوب لأله، وهالتفاصيل المدروسة تكون كثيرة ومعقدة وبتحتاج وقت لتستوعبها، وهالشي بكون عن طريق الاحداث + حوارات الشخصيات ومونولوغهم.
    (مونوغاتاري عسبيل المثال)
    2- الفلسفة “بالأنمي” لما الكاتب يشط ويمط بمفهوم معين او حادثة معينة او حتى مقولة معينة، ويعمل من الحبة قبة، وهالشي بكون فقط بحوارات الشخصيات ومونولوغهم.
    (ياهاري عسبيل المثال)

    أي شخص ممكن يتفلسف بشيء، لكن مو أي شخص ممكن يكون عميق بشيء، وبينطبق هالشي عالأنمي، أي انمي ممكن يطرح فلسفات، لكن مو أي انمي ممكن يكون عميق.

    والعمق والفلسفة مو بالضرورة يكونوا شي ايجابي او سلبي، اذا تم طرحهم بشكل مثالي وبالوقت المثالي فمنعتبرهم ايجاببة، والعكس صحيح.

    #293
    Yazan Sharaf
    عضو

    بصراحة المصطلحين بالنسبة الي قليل لاستخدمون بوصف انمي
    المشكلة انو هنن نوع من النمطية يلي الكل عم يحاول يتقيد فيها مو مسخرة عأي شخص بس الكل بيحاول يظهر الثقافة والفلسفة والشخص يلي بيكتشف الغامض والمثير
    أنا بالنسبة الي بحاول استمتع بالانمي بدون اي نظريات وتفسيرات غريبة الفلسفة وقت بدها تنوجد بالانمي بتكون واضحة يعني مافي شي اسمو عمق الانمي مانو موجه لفئة وحدة وسيلة ترفيه وما بدها تعقيد ابدا

مشاهدة 6 مشاركات - 1 إلى 6 (من مجموع 6)
  • يجب تسجيل الدخول للرد على هذا الموضوع.